انتقائي للكلام العابر ادري به ثقيل ..
على الاحاسيس المرهفه والتضحيات الكثيره ..
واختيارك للكلام العابر ادري به يفيض .. بالالم والحزن وكثر الاحلام ..
والبرود اللي في عز الصيف ولواهيب الجروح .. انطفت نار المحبة واشعلت نار الاوجاع ..
ولو جوابي لهداياك ببرود .. ولو جوابك لذا البرود بتجاهل للوجود .. ولو وجودك في حياتي ما انوجد هذا الوجود .. ولو في ابواب الحزن درب ياخذ للصعود ..
كنت بطرق كل باب فيها ممكن هالصعود .. ولو تكون احتمالات الصعود بتنضرب في عشرة اعشار الضمور .. بتمنى باب واحد ياخذ القلب ويجود ..
بس ادري قلبك الطيب قسى .. وقرر انه ما يجود ولو هي اعذاري كثير ..
وضيعت وقتك كثير .. في ظلال الوقت تطرد واحداً مثلي سراب .. وقلتها وقت الصعود وذروة انصاف العتب وقلبت في ذاك الورق وبعثرت ذاك الصواب وضاع حلم الامس في سراديب الانتظار ..
وهام ذاك القلب بعدك يحاول يخفي هالحطام ..
ويلملم اوراق العتاب ويجمع قصاصات الزحام وينثر اخر خيبته في ارتدادات الرياح .. يمكن تسرح به بعيد ..
لذاك موعدنا الاخير اللي ملاه البرود وجفت اطراف الحروف .. وغصت طواريق الحروف وهامة انواع الصدف .. للنهايه اللي بوادرها ابتدت ..